لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے سماجی برائیوں اور جرائم پیشہ افراد کیخلاف کارروائیاں کرتے ہوئے اشتہاری و مطلوب 6 ملزمان کو گرفتار کرکے موٹر سائیکل، نقدی، موبائل فونز، ایل سی ڈی اور بیٹری برآمد کرکے مقدمات درج کرلیے۔ آریجا پولیس نے دوران چیکنگ اشتہاری ملزم قطب الدین اوڈہو کو، تعلقہ پولیس نے جوئے کے اڈے پر چھاپا مارکر پانچ جواری عرس عمرانی، صادق، عمران، شرف الدین اور صوبو کو نقدی، موبائل فونز اور سمیت گرفتار کرلیا۔ دوسری جانب رتو ڈیرو پولیس نے شہری منصور مرکیانی کی چوری شدہ موٹر سائیکل، شہری مشتاق بھٹی کے چوری شدہ دو موبائل فونز جبکہ نوڈیرو پولیس نے شہری مشتاق منگی کی چوری شدہ ایل سی ڈی اور بیٹری برآمد کرکے اصل مالکان کے حوالے کردیں۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی گئی ہے۔
