سکھر (نمائندہ جسارت) ترجمان پولیس کے مطابق ایس ایس پی سکھر عرفان سموں پولیس اہلکاروں سے ملے، سرچ آپریشن کے متعلق ضروری ہدایات دیں۔ انہوں نے کچے میں موجود مختلف گاؤں میں پولیس کے سرچ آپریشن و تلاشی کے دوران متعلقہ کوائف چیک کیے۔ انہوں نے کچے کے اطراف داخلی و جارجی راستوں پر بھی چیکنگ کے عمل کو مزید مؤثر بنانے کی ہدایت کی۔ ان کا کہنا تھا کہ کچے میں موجود ڈاکوؤں کے ٹھکانوں کے اطراف اضافی پولیس پکٹس قائم کردی گئی ہیں۔ اس سے ڈاکوؤں کی نقل و حرکت کو محدود اور ان پر کڑی نظر رکھی جاسکے گی۔
