لاڑکانہ (نمائندہ جسارت) قنبر کے قریب گاؤں جیون ابڑو میں آوارہ کتوں نے گھر کے باہر کھیلنے کے دوران حملہ کرکے 6 سالہ بچی شائستہ جاگیرانی کو زخمی کردیا، جسے زخمی حالت میں چانڈکا اسپتال کے شعبہ حادثات میں قائم اینٹی ربیز سینٹر منتقل کیا جہاں مبینہ طور پر ویکسین نہ ملنے کے بعد بچی کی حالت غیر ہوگئی۔ اس موقع پر بچی کے والد نے احتجاج کرتے ہوئے مطالبہ کیا کہ بچی کو علاج اور ویکسین دے کر اس کی زندگی بچالی جائے۔ احتجاج کے بعد سینٹر انتظامیہ نے پہنچ کر زخمی بچی کو علاج فراہم کیا۔
