سکھر، لاڑکانہ سائٹ گرڈ اسٹیشن سے بجلی کی فراہمی آج بند رہے گی

سکھر (نمائندہ جسارت) ترجمان سیپکو کے مطابق ضروری مرمت کی وجہ سے 132 کے وی لاڑکانہ سائٹ گرڈ اسٹیشن سے بجلی کی فراہمی آج صبح 8 بجے سے دوپہر 2 بجے تک بند رہیگی۔ بجلی کی بندش کی وجہ سے گیارہ کے وی ایکسپریس، VIP مراد واہن، نذر اور عطا ترک فیڈرز کے صارفین متاثر ہوں گے۔ گھوٹکی میں ضروری مرمت کی وجہ سے 132 کے وی خانپور مہر گرڈ اسٹیشن سے بجلی کی فراہمی 18 تا 26 ستمبر صبح 9 بجے سے دوپہر 3 بجے تک بندرہے گی۔ مرمت کی وجہ سے گیارہ کے وی خانپور مہر، سردار گڑھ اور خان گڑھ فیڈرز کے صارفین متاثر ہوں گے۔