لاڑکانہ(نمائندہ جسارت) سندھ بھر میں 6 سالوں کے بعد پرائمری اساتذہ کی تنظیم آل سندھ پرائمری ٹیچر پ ٹ الف کے انتخابات 11 اکتوبر کو منعقد کیے جائیں گے جس کے لیے آج سے کاغذات نامزدگی وصول اور جمع کرنے کا سلسلہ شروع کیا جائے گا، انتخابات میں لاڑکانہ سمیت ضلع کی تحصیل ڈوکری، باقرانی اور رتودیرو میں بھی انتخابات میں حصہ لینے کے لیے مرحوم لیاقت دیدڑ اور اعجاز علی ابڑو گروپ کے امیدوار سرگرم ہوگئے ہیں جن کی جانب سے اپنی کامیابی کیلیے ممبران کا منت سماجت کا سلسلہ بھی جاری ہے۔ پ ٹ الف الیکشن کمیٹی کے چیئرمین عبدالخالق بھنگوار کے مطابق سندھ کے تمام 148 یونٹس میں انتخابات کا انعقاد کیا گیا ہے جس میں 16 ستمبرکو نامزدگی وصول اور جمع کرنے، 22 ستمبر پر پینلز کے حتمی ناموں کو شائع کرنے، 23 ستمبر پر نشان الاٹ کرنے کے بعد 11 اکتوبر پر انتخابات ہوںگے۔
