ٹھٹھہ (نمائندہ جسارت) جنگ شاہی کے کوہستانی علاقوں میں آوارہ کتوں کی بھرمار، کتوں نے دو عورتوں سمیت 6 افراد کو کاٹ لیا، زخمی اسپتال منتقل، علاقے میں سخت خوف و ہراس۔ ٹھٹھہ کی طرح ضلع کے کوہستانی علاقے میں آوارہ اور پاگل کتوں نے ڈیرے جمالیے، کوہستانی علاقے میں کتوں کی بہتات کی وجہ سے سخت خوف و ہراس پھیلا ہوا ہے۔ کتوں نے جنگ شاہی کے قریب گائوں صالح محمد برفت میں دو خواتین سمیت 6 افراد کو زخمی کردیا۔ زخمیوں میں زلیخاں، قائم خاتون، سرمند اور رحمن و دیگر شامل ہیں۔ گائوں کے لوگوں نے فائر کرکے کچھ کتوں کو مار دیا۔ علاقے کے رہائشیوں نے ڈی سی ٹھٹھہ سے مطالبہ کیا ہے کہ ضلع میں کتا مار مہم شروع کی جائے۔
