ٹھٹھہ (نمائندہ جسارت) حالیہ بارشوں کے بعد متاثر ہونیوالے خاندانوں کی مدد کے لیے روٹری کلب کراچی اور روٹری کلب مکلی نے مشترکہ طور پر 100 خاندانوں میں مفت راشن تقسیم کیا۔ اس موقع پر روٹری کلب مکلی کے صدر امیر حمزو میمن، فواد میمن، نور احمد بھٹو، طاہر بابو میمن، شہاب رضا، نریش کمار المعروف یارو شاہ نے تقریب سے خطاب کرتے ہوئے کہا کہ سخت پریشانی کے عالم میں زندگی بسر کرنے والے بارش مستحقین میں راشن اور ضروریات کا سامان تقسیم کیا ہے۔ ایسے 100 خاندان تھے جن میں امداد تقسیم کی گئی ہے۔ انہوں نے کہا کہ روٹری کلب ہر وقت بلا تفریق مستحق اور ضرورت مند لوگوں کی مدد کرتا رہتا ہے، مستقبل میں بھی اس سلسلے کو جاری رکھا جائے گا۔ انہوں نے کہا کہ غریب اور بے سہارا لوگوں کی مدد کرنا ہماری اولین ترجیح ہے، ہم خدمت کے جذبے سے آئے ہیں، خدمت کرتے رہیں گے۔
