ٹھٹھہ (نمائندہ جسارت) ضلع بھر میں پولیس کی کامیاب کارروائیوں کا سلسلہ جاری، جعلی کرنسی برآمد، 2 ملزمان کو گرفتار کرلیا گیا۔ ایس ایچ او و سب انسپکٹر جھرک تھانہ مصری خان کھوسو نے مع اسٹاف اسنیپ چیکنگ کے دوران جھرک کے قریب کارروائی کرکے جعلی کرنسی سپلائی کرنے کی کوشش ناکام بنادی اور دو ملزمان گل حسن ملاح اور عبدالکریم کنبھار کو گرفتار کرکے ان کے قبضے سے 2 لاکھ 45 ہزار جعلی کرنسی برآمد کرکے جھرک تھانے میں مقدمہ درج کرلیا، ملزمان سے مزید تفتیش جاری ہے۔
