ٹھٹھہ (نمائندہ جسارت) ڈسٹرکٹ کونسل ٹھٹھہ میں چند کے علاوہ تمام من پسند طلبہ و طالبات کو اسکالر شپ دینے کا انکشاف ۔ ضلع کونسل ٹھٹھہ کے چیئرمین کے من پسند طلبہ و طالبات کے چند مستحقین کو بھی اسکالر شپ دے دی گئی ہے، اسکالر شپ لینے والوں میں کئی چیئرمین کے رشتے دار بھی بتائے جارہے ہیں، اسکالر شپ کمیٹی کو بھی وہی نام دیے گئے تھے جو چیئرمین کے من پسند تھے۔ 314 طلبہ و طالبات کو ٹوٹل پانچ لاکھ روپے اسکالر شپ دی گئی، جن میں سے کئی طلبہ و طالبات اسکالر شپ لینے نہیں آئے۔ اسکالر شپ دینے کی تقریب ضلع کونسل ہال مکلی میںکی گئی جو بدمزگی کا شکار ہوکر رہ گئی‘ طلبہ گیٹ کے باہر کھڑے شور مچاتے رہے۔
