اسلام آباد ہائی کورٹ نے ایون فیلڈ اپارٹمنٹس کرپشن ریفرنس میں سابق وزیراعظم نواز شریف، مریم نواز اور کیپٹن صفدر کی سزا کے خلاف درخواستیں سماعت کے لیے مقرر کردیں۔
نوازشریف کی ایون فیلڈ ریفرنس میں سزا کے خلاف اپیل کی سماعت جسٹس عامر فاروق اور جسٹس محسن اختر کیانی یکم ستمبر کو سماعت کریں گے۔
ذرائع کے مطابق نواز شریف کی جانب سے حاضری سے استثنیٰ کی درخواست دائر کی جائے گی جب کہ مریم نواز اور کیپٹن صفدر سماعت پر عدالت میں پیش ہوں گے۔
واضح رہے کہ العزیزیہ سٹیل ملز ریفرنس میں بھی نواز شریف کی سزا کے خلاف اپیل سماعت کے لیے مقرر کی گئی ہے جس کی سماعت اسلام آباد ہائی کورٹ کا دو رکنی بینچ یکم ستمبر کو کرے گا۔
