سکھر( نمائندہ جسارت)میر پور ماتھیلو کے قریب محکمہ وائلڈ لائف کی کارروائی ، ساڑھے چار فٹ کا بڑا مگرمچھ پکڑ لیا گیا ، مگرمچھ سفاری پارک کے عملے کے حوالے۔ میر پور ماتھیلو میں مگرمچھ کی موجودگی کی اطلاع پر محکمہ وائلڈ لائف کے عملے نے گزشتہ چار روز سے جاری جدوجہد کے بعد ساڑھے چار فٹ سے زائد بڑا مگرمچھ پکڑ لیا ۔محکمہ وائلڈ لائف عملے کے مطابق مگرمچھ کی عمر آٹھ سال اور قد ساڑھے چار فٹ ہے پکڑے جانے والے مگرمچھ کو سرحد کے قریب صوفی انور شاہ سفاری پارک میں دیگر مگرمچھوں کیساتھ چھوڑا جائیگا ۔
