سکھر(نمائندہ جسارت)سکھر کے مصروف ترین تجارتی مرکز گلیمر سینٹر میں پیر کی شب آتشزدگی، فائربریگیڈ عملے نے بروقت آگ پر قابو پاکر بڑے کسی نقصان سے بچا لیا، چار دکانوں میں رکھا ہو بھاری مالیت کا سامان جل گیا۔ شہر کے مرکزی علاقے گھنٹہ گھر پر واقع موبائل مارکیٹ گلیمر سینٹر میں اچانک آگ لگ گئی آگ مین دروازے کے قریب لگنے کی وجہ سے دکاندار اندر پھنس کر رہ گئے آگ لگنے کی اطلاع فوری طور پر فائر بریگیڈ عملے کو دی گئی جس نے پہنچ کر آگ بجھانے کی کوششیں شروع کردیں اوردکانداروں کو باہر نکال لیا کافی دیر تک کوششوں کے بعد آگ پر قابو پالیا گیا تاہم چار دکانوں میں رکھا ہوا لاکھوں روپے مالیت کا سامان جل کر خاکستر ہوگیا ،دکانداروں کے مطابق بجلی کے شارٹ سرکٹ سے اچانک سینٹر میں لگے ایک پینا فلیکس میں آگ لگ گئی جس نے دیکھتے دیکھتے سینٹر کی دکانوں کو اپنی لپیٹ میں لینا شروع کردیا تاہم فائر بریگیڈ گاڑیوں نے وقت پر پہنچ کر آگ پر قابو پالیا اور دکانداروں کو ایک بڑے نقصان سے بچا لیاجبکہ دوسری جانب کہا جارہا ہے کہ آگ ایک دکان میں رکھے سلنڈر پھٹنے سے لگی ہے تاہم آتشزدگی کی اصل وجہ معلوم نہیں ہوسکی ہے۔
