نوابشاہ،زمینی تنازع پر فائرنگ،نوجوان جاں بحق،ایک زخمی

نواب شاہ(رپورٹ عامر شیخ )دولت پور تھانہ کی حدود میں واقع گاؤں بڈو ڈاہری میں ڈاہری اور بھٹو برادری کے دو گروپوں میں زمین کے تنازع پر فائرنگ کے نتیجے ایک نوجوان جاں بحق جبکہ ایک شخص شدید زخمی ہوگیا ۔تفصیلات کے مطابق آصف علی زرداری کے قریبی
ساتھی وزیر اعلیٰ سندھ کے سابق صوبائی مشیر خاص محمد اسماعیل ڈاہری کا بھانجا 20سالہ وجاہت علی ڈاہری تصادم میں جاں بحق جبکہ ایک شخص بشیر احمد ڈاہری کے زخمی ہونے کی اطلاع ملی ہے۔ دولت پور پولیس نے نعش کو تحویل میں لے کر پوسٹ مارٹم کیلیے سول اسپتال شاہ پور جہانیاں منتقل کر دیا ہے جبکہ زخمی شخص کو پی ایم سی اسپتال نواب شاہ روانہ کردیا گیا ہے۔ دوسری جانب علاقے میں کشیدگی پائی جاتی ہے مزید خونریزی کو روکنے کے لیے ضلع بھر سے پولیس کی بھاری نفری طلب کرلی گئی ہے۔