دادو (نمائدھ جسارت) ضلع میں بدامنی، لوٹ مار اور چوری ڈکیتی روز کا معمول بن گئی، گلی محلوں میں لٹیروں کے ڈیرے، آنے جانے والوں کو اسلحہ کے زور پر لوٹنے لگے۔ بی سیکشن کی حدود میں چھانو شاہ آباد میں نیاز حسین کی ایزی لوڈ کی دکان کے تالے توڑ کر نامعلوم مسلح افراد 61 ہزار نقد اور چار موبائل لے گئے۔ دکان مالک نیاز حسین لونڈ نے بتایا کہ بی سیکشن تھانے پر مقدمہ درج کروایا گیا، دو دن گزر گئے لیکن پولیس نے کوئی کارروائی نہیں کی۔ انہوں نے ایس ایس پی دادو سے اپیل کی کہ نوٹس لے کر ملزمان کو گرفتار اور مسروقہ سامان واپس کروایا جائے۔
