جشن ْآزادی باکسنگ فیسٹیول‘ گل زیب اور محمد سفیان کامیاب

کراچی(اسٹاف رپورٹر)14اگست جشن آزادی پاکستان کے سلسلے میں ڈی ایم سی سائوتھ جشن آزادی باکسنگ فیسٹیول کا انعقاد کیا گیا جس میں ضلع سائوتھ کے استاد سٹو باکسنگ اسٹیڈیم لیاری میں مختلف کیٹیگریز میں ینگ باکسرز کے درمیان شاندار مقابلے ہوئے کراچی سائوتھ باکسنگ ایسو سی ایشن کے زیر اہتمام ہونے والے ان مقابلوں میں26 کے جی میں گل زیب نے عبید خان کو0-3 سے28 کے جی میں عمار نے عادل کو0-3سے‘30 کے جی میں غلام حسین نے عاصم خان کو 1-2 سے ‘32 کے جی میں سجاد نے ارسلان کو1-2سے‘34 کے جی میں سبحان نے کاشف کو0-3سے‘40 کے جی میں شاہ زیب نے نعمان لال کو1-2سے‘38 کے جی میں محمد سفیان نے حظیفہ کو0-3سے‘40 کے جی میں عبداللہ نے خمیسہ کو1-2سے‘42 کے جی میں سعید نے امجد کو1-2سے‘44 کے جی میں ارباز علی نے عدنان کو1-2سے شکست دے کر گولڈ میڈل حاصل کرنے کا اعزاز حاصل کیا۔اس موقع پر سندھ باکسنگ ایسو سی ایشن کے صدر اصغر بلوچ‘ کراچی سائوتھ کے صدر رسول بخش بلوچ‘نائب صدر مہر بخش بلوچ‘ جنل سیکریٹری عبدالرزاق بلوچ اور دیگر باکسنگ کی اعلیٰ شخصیات بھی موجود تھیں۔سیکریٹری سائوتھ باکسنگ ایسو سی ایشن نے تمام معزز مہمانوں کی آمد کا شکریہ ادا کیا ریفری ججز کے فرائض اکبر علی‘ وحید درویش‘ محمد رستم‘ عبدالرشید‘ نواب علی‘جمیل خان‘ لال محمد اور یونس قمبرانی نے انجام دیئے بعد ازاں مہمان خصوصی سابق انٹرنیشنل کھلاڑی گلزار خان نے فاتح کھلاڑیوں میں میڈلز‘ ٹرافیز اور نقد انعامات تقسیم کئے۔