سکھر (نمائندہ جسارت) میلاد مصطفیٰﷺ کمیٹی سکھر کے زیر اہتمام جشن آزادی کے سلسلے میں جمعرات کی شام چوک گھنٹہ گھر پر بڑے قومی جھنڈے کی تقریب پرچم کشائی منعقد کی گئی، میلاد مصطفیٰﷺ کمیٹی کے چیئرمین غیاث الدین قادری نے مہمانوں کا خیر مقدم کیا اور خوش آمدید کہا۔ تنظیمات اہلسنت سکھر کے چیئرمین مشرف محمود قادری، ملک رضوان الحق، جمعیت علمائے پاکستان نورانی کے مرکزی نائب صدر صاحبزادہ سید حامد محمود فیضی، سنی تحریک کے مرکزی رہنما حافظ محبوب سہتو قادری، میلاد مصطفیٰﷺ کمیٹی کے صدر حاجی محمد یاسین سعیدی، جنرل سیکرٹری شکیل احمد صدیقی، حاجی تسنیم احمد عطاری، حاجی عبدالرشید اجمیری، آغا تابش خان، عارف قادری، فاروق اختر خان، سید فراز شاہ، محمد علی شیخ، صابر علی، زاہد حسینی، ضیاء رضا قادری، رضا المصطفیٰ شیخ، عبدالواحد حمزہ، سلمان صدیقی، محمد آصف، محمد راحیل شیخ، اعتزاز الدین شیخ، افراز الدین القادری، محمد کاشف انصاری، محمد سچل سہروردی، محمد حارث خان، سید رمیز حسین شاہ، عبدالشکور قادری، نصر حمید انصاری سمیت شہریوںکی بڑی تعداد نے شرکت کی۔ آخر میں شہدائے تحریک آزادی اور پاک فوج کے شہداء افسران اور جوانوں کے لیے دعا کی گئی۔
