اسلام آباد (اے پی پی) وزیر ریلوے شیخ رشید احمد سے پاکستان میں ایران کے سفیر سیّد محمد علی حسینی نے منگل کو یہاں ملاقات کی۔ اس موقع پرشیخ رشید نے کہا کہ پاکستان ریلوے کوئٹہ تاتفتان ریل ٹریک کو اپ گریڈ کرنے کے حوالے سے فزیبلیٹی اسٹڈی مکمل کر چکا ہے، جس پر 112 ارب روپے خرچ ہوں گے،منصوبے کی تکمیل سے پاکستان اور ایران کے درمیان مسافروں کی آمدورفت اور تجارت میں اضافہ ہو گا۔ ایرانی سفیر نے کہا کہ پاکستان، ایران، ترکی فریٹ ٹرین کے حوالے سے کوششوں کو تیز کرنے کی ضرورت ہے۔ پاکستان ریلوے اور ایران ریل کے درمیان شراکت داری کے باہمی منصوبوں میں تیزی لانے کے لیے چیئرمین ریلوے کی سربراہی میں کمیٹی قائم کر دی گئی ہے۔
