آصف زرداری بے بنیاد مقدمات میں سرخرو ہونگے، نیئر بخاری

اسلام آباد (آن لائن) پیپلز پارٹی کے سینئر رہنما نیئر حسین بخاری نے کہا ہے کہ آصف زرداری بے بنیاد مقدمات میں سرخرو ہوں گے، آٹا، چینی، ڈالر، پیٹرول اور بلین ٹری اسیکنڈلز میں ملوث افراد نیب کو کیوں نظر نہیں آتے؟ اپنے ایک بیان میں ان کا کہنا تھا کہ یہ بات ثابت شدہ ہے کہ پیپلز پارٹی کے خلاف نیب اقدامات ماورائے آئین اور قانون ہوتے ہیں، عدالت عظمیٰ نے نیب کو بدترین ادارہ قرار دیا ہے، ساکھ کھو جانے والے نیب کو بند کرنا چاہیے اور نیب زدہ کابینہ
حکومت کو گھر جانا چاہیے۔ پیپلز پارٹی کیخلاف نیب کے یکطرفہ احتساب پر عالمی اداروں نے سوالات اٹھائے ہیں۔ بلاول زرداری حکمرانوں کو جھوٹے وعدے یاد دلاتے ہیں تو نیب حرکت میں آجاتی ہے، آصف زرداری کو دباؤ. میں لانے کے حربے اور ہتھکنڈے پہلے کامیاب ہوئے نہ اب ہوںگے، آٹا چینی ڈالر پیٹرول بلین ٹری اسیکنڈلز میں ملوث نیب کی آنکھوں سے اوجھل کیوں ہیں ۔