اسلام آباد:آرمی چیف جنرل قمر جاوید باجوہ سے سعودی عرب کے سفیر نے ملاقات کی ہے،ملاقات میں باہمی دلچسپی کے امور پر تبادلہ خیال کیا گیا۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف کی سعودی سفیر سے ہونے والی ملاقات میں علاقائی سیکیورٹی پر بھی تبادلہ خیال کرتے ہوئے پاک سعودی دفاعی تعلقات پر بھی غور کیا گیا۔
جبکہ دوسری جانب آرمی چیف جنرل قمر جاوید باجوہ نے آئی ایس آئی ہیڈکوارٹرز کا دورہ کیا ، جہاںڈی جی آئی ایس آئی لیفٹیننٹ جنرل فیض حمید نے آرمی چیف کا استقبال کیا۔
آرمی چیف کو ملک کی اندرونی وبیرونی سیکیورٹی صورتحال پر بریفنگ دی گئی،جنرل قمرجاوید باجوہ نے دورہ پر آئی ایس پی آر کی کارکردگی مزید بہتر بنانے کے اقدامات کو سراہا۔
