روم (جسارت نیوز) مارٹینا ٹریوزن اور انکی ہم وطن جوڑی دار ایلیسابیتہ کوکسیریٹو پر مشتمل اطالوی جوڑی ڈبلیو ٹی اے پالرمو اوپن ٹینس ٹورنامنٹ ویمنز ڈبلز سیمی فائنل میں پہنچ گئی۔ فاتح اطالوی جوڑی نے کوارٹر فائنل میں جورجینا گارسیا پریز اور انکی ہم وطن جوڑی دار سارہ سوربیس ٹورمو پر مشتمل ٹاپ سیڈڈ جوڑی کو اپ سیٹ شکست سے دوچار کرتے ہوئے ایونٹ سے باہر کر دیا۔ اٹلی کے کنٹری ٹائم کلب میں ڈبلیو ٹی اے ایونٹ کے ویمنز ڈبلز کوارٹر فائنل رائونڈ میں کھیلے گئے میچ میں مارٹینا ٹریوزن اور انکی ہم وطن جوڑی دار ایلیسابیتہ کوکسیریٹو نے سخت مقابلے کے بعد جورجینا گارسیا پریز اور انکی ہم وطن جوڑی دار سارہ سوربیس ٹورمو پر مشتمل ٹاپ سیڈڈ ہسپانوی جوڑی کو 6-3، 2-6 اور 10-5 کے اسکور سے اپ سیٹ شکست دیکر ٹورنامنٹ کا ٹاپ4 مرحلہ کھیلنے کا اعزاز حاصل کرلیا۔
