لاڑکانہ (نمائندہ جسارت) لاڑکانہ شہر کے قریب ملگانی چوک پر تیز رفتار کار کی ٹکر سے موٹرسائیکل سوار گاو¿ں عمر بھیو کے رہائشی تین افراد شفقت علی، طارق علی اور اللہ بخش بھیو شدید زخمی ہوئے اطلاع پر حد کے تھانہ کی پولیس نے پہنچ کر کار تحویل میں لیتے ہوئے ڈرائیور کو گرفتار کرنے کے بعد زخمیوں کو علاج کے لیے چانڈکا اسپتال کے شعبہ حادثات منتقل کیا جہاں انہیں طبی امداد دی گئی، زخمیوں کے مطابق وہ اپنے گاو¿ں عمر بھیو سے کام کے سلسلے میں لاڑکانہ شہر آرہے تھے کہ راستے میں تیز رفتار کار نے موٹرسائیکل کو ٹکر ماردی جس کے نتیجے میں وہ زخمی ہوئے ہیں، دوسری جانب آخری اطلاع موصول ہونے تک زخمیوں کا علاج جاری تھا۔ قنبر شہر کے غریب آباد محلے میں گلی سے گزرنے کی بات پر بروہی برادری سے تعلق رکھنے والے افراد نے چاقو اور کلپوں سے حملہ کرکے نوجوان محنت کش اختر علی خاصخیلی کو زخمی کرنے کے بعد فرار ہوگئے جبکہ ورثا کی جانب سے زخمی نوجوان کو علاج کے لیے چانڈکا اسپتال کے شعبہ حادثات منتقل کیا گیا جہاں انہیں طبی امداد دی گئی۔ اس موقع پر زخمی نوجوان کے بھائی جمیل احمد خاصخیلی نے بتایا کہ میرا بھائی کراچی کے فیکٹری میں ملازمت کرتا ہے جو عید کی چھٹیوں کے لیے گھر آیا تھا جہاں گلی سے گزرنے کی بات پر بروہی برادری سے تعلق رکھنے والے 7 افراد نے انہیں چاقو اور کلپوں کے وار کرکے زخمی کرنے کے بعد فرار ہوگئے۔ انہوں نے مطالبہ کیا کہ حملے میں ملوث بااثر افراد کو گرفتار کرکے انصاف فراہم کیا جائے۔
