دادو(نمائندہ جسارت)دادو پولیس کی ضلع بھر میں کارروائیاں، 27 ملزمان گرفتار، 12 موٹرسائیکل سمیت اسلحہ برآمد۔ تفصیلات کہ مطابق دادو میں بڑھتی ہوئی بے امنی پر دادو پولیس کی مشترکہ کارروائیاں کی گئی جبکہ کی گئی کارروائیوں کے متعلق ڈی ایس پی عمر شاہانی، ڈی ایس پی عبدالخالق جھتیال، ایس ایچ او اے سیکشن شفیع محمد گولو، سی آئی اے انچارج افتخار حسین جمالی ،سی آئی اے میہڑ کے این شاہ، انچارج طارق لاکھیر، ڈیجیٹل انویسٹی گیشن سیل انچارج طارق کہڑو نے پریس کانفرنس کرتے ہوئے کہاکہ ضلع بھر میں امن وامان کی فضا برقرار رکھنے کیلیے مشترکہ کارروائیاں کرکے 27 ملزم، 12 موٹرسائیکل، دو موبائل فون، غیر قانونی اسلحہ ، دو رائفل، دس پستول اور درجنوں گولیاں برآمد کرلی گئی ہیں۔ انہوں نے مزید کہاکہ 80لاکھ روپے کے مضر صحت گٹکے کے دو سو کٹے اور پانچ کارٹن شراب برآمد کیے گئے ہیں ۔کارروائی میں ملزم ایاز لاکھیر، گلزار سولنگی، فاروق خشکاور علی شیر بھنڈ سمیت 27 ملزم کو گرفتار کرکے متعلقہ تھانوں پر مقدمات درج کیے گئے ہیں اور جبکہ تمام ملزمان جیل بھیجے جا چکے ہیں۔
