ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی خصوصی ہدایت پر ٹھٹھہ ضلع کی پولیس کی مختلف مقامات پر کامیاب کارروائیوں کا سلسلہ جاری، گٹکا فروش سمیت دو ملزمان گرفتار، گٹکا میٹریل، ماوا، ریوالور، دیسی شراب برآمد۔ ایس ایس پی ٹھٹھہ ڈاکٹر محمد عمران خان کی خصوصی ہدایت پر گھارو پولیس نے مہران کار کو تحویل میں لے کر اس میں سے 200 پیکٹ گٹکا، ماوا، 320 کلو چورا سوپاری برآمد کرلی جبکہ ٹھٹھہ پولیس نے ملزم ساجن میربحر کو گرفتار کرکے اس کے قبضے سے ریوالور جبکہ کینجھر پولیس نے ملزم وزیر ٹویو کو گرفتار کرکے 30 پیکٹ دیسی شراب برآمد کرلی۔ گرفتار ملزمان کیخلاف ٹھٹھہ اور کینجھر تھانوں میں مقدمات درج کرلیے گئے، اس کے علاوہ ایس ایس پی ٹھٹھہ ڈاکٹر محمد عمران خان کی خصوصی ہدایت پر ٹھٹھہ پولیس کی جانب سے داخلی اور خارجی راستوں پر چیکنگ کا سلسلہ بھی جاری ہے، پولیس ضلع بھر کے ہوٹلوں اور مختلف مقامات پر آنے جانے والوں کی چیکنگ اور ان کے شناختی کارڈز چیک کررہی ہے۔
