سکھر (نمائندہ جسارت) سکھر پولیس کا مغویوں کی موجودگی کی اطلاع پرشاہ بیلو کچے میں بھاری نفری کے ساتھ ڈاکو منیر مصرانی اور دیگر کیخلاف آپریشن، کچھ روز قبل خیرپور کے علاقے وڈا مہیسر سے اغواء کیے گئے مغوی ساجد سومر کو بازیاب کرالیا گیا۔ ایس ایس پی سکھر عرفان علی سموں کے مطابق شاہ بیلو کچے میں آپریشن مغویوں کی موجودگی کی اطلاع پر سکھر پولیس نے کچے کے علاقے شاہ بیلو میں جاری آپریشن کے دوران مغوی ساجد سومرو کو بازیاب کرالیا۔ پولیس اور ڈاکوؤں کے درمیان فائرنگ کا تبادلہ ہوا، کشتیوں کے ذریعے پولیس نے علاقے کو گھیرے میں لے لیا، آپریشن میں کچے میں موجود ڈاکوؤں کے ٹھکانے اور محفوظ پناگاہیں مسمار کردیے گئے۔ مغوی ساجد سومرو کو کچھ روز قبل ڈاکوؤں کی جانب سے وڈا مہیسر کے علاقے سے اغوا کیا گیا تھا۔
