لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے 11 ملزمان کو گرفتار کرکے اسلحہ، منشیات، نشہ آور کیمیلز اور چوری شدہ موٹرسائیکل برآمد کرلی۔ رتو ڈیرو پولیس نے دوران چیکنگ لاشاری روڈ سے سنگین نوعیت کے مقدمے میں مطلوب دو ملزمان فرحان ویسر اور سلیم ویسر کو پستول اور گولیوں سمیت، اللہ آباد پولیس نے دوران چیکنگ ملزم اختیار گائنچو کو ریوالر اور گولیوں سمیت، عاقل پولیس نے دوران چیکنگ دو اشتہاری و روپوش ملزمان میانداد جتوئی اورعلی نواز کھوڑو کو، ڈوکری پولیس نے دوران چیکنگ قبرستان کے قریب ملزم میر جویو کو آدھا کلو چرس سمیت، نوڈیرو پولیس نے دوران چیکنگ پرانہ سکھر پھاٹک کے قریب ملزم شاہد کھٹیان کو نشہ آور کیمیکلز سمیت، رتوڈیرو پولیس نے دوران چیکنگ عید گاہ محلہ سے ڈکیتی اور پولیس مقابلوں جیسے پانچ سے زائد مقدمات میں روپوش ملزم سعید جلبانی کو، علی گوہر آباد پولیس نے اشتہاری ملزم اسلم جلبانی کو، رحمت پور پولیس نے اغوا کے مقدمے میں روپوش ملزم حسین شیخ کو اور سچل پولیس نے سنگین نوعیت کے مقدمے میں مطلوب ملزم انور کلہوڑو کو گرفتار کرلیا ہے۔ کنگا پولیس نے شہری سرفراز سانگی کی چوری شدہ موٹر سائیکل برآمد کرکے مالک کے حوالے کردی۔ پولیس کے مطابق گرفتار تمام ملزمان کیخلاف ایسے مقدمات درج کرکے تفتیش شروع کردی گئی ہے۔
