لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر پولیس نے جرائم پیشہ افراد کیخلاف کارروائیاں کرتے ہوئے اشتہاری و مطلوب 7 ملزمان کو گرفتار کرکے اسلحہ برآمد کرلیا۔ عاقل پیر شیر پولیس نے دودو سنہڑی کے قریب جرائم پیشہ افراد سے مقابلے میں مطلوب ملزم سارنگ کلہوڑو کو پستول اور گولیوں سمیت، دہامراہ پولیس نے قتل کے مقدمے میں اشتہاری ملزم مرید عمرانی کو، ویہڑ پولیس نے دوران چیکنگ تین اشتہاری ملزمان نادرعرف امجد، عرس اور شیر دل کھیڑو کو گرفتار کرکے مزید تفتیش شروع کردی۔
