پیپلزپارٹی کے رکن قومی اسمبلی قادر پٹیل نے کہا ہے کہ ایک دن میں3 پرچے دینے والے مراد سعید ہمت کریں، میرے چیلنج کا جواب دیں۔
مراد سعید کی پریس کانفرنس پر ردعمل دیتے ہوئے قادر پٹیل نے کہا کہ جعلی ڈگری والے مراد سعید میرے چیلنجز سے گھبرا گئے ہیں، عمران خان مراد سعید کے پیچھے چھپنے کے بجائے سامنے آئیں، مراد سعید میں آخر کون سی اہلیت ہے کہ عمران خان نے انہیں ایم این اے بنوا دیا؟
انہوں نے کہا کہ ایک دن میں3 پرچے دینے والے مراد سعید ہمت کریں، میرے چیلنج کا جواب دیں، مراد سعید اپنے والد کے آسٹریلیا میں جعلی اسٹوڈنٹ ویزے کی گرفتاری کا بتائیں، مراد سعید بتائیں کہ وہ 200 ارب ڈالرزکہاں ہیں جن کا انتخابات سے قبل آپ نے انکشاف کیا تھا اگر مراد سعید نے 200 ارب ڈالرز کا نہیں بتایا تو میں خود ان کی تلاشی لوں گا۔
ان کا کہنا تھا کہ عمران خان اپنی چینی اور آٹا چوری پکڑے جانے پرمراد سعید کو الزام تراشی کیلئے آگے کررہے ہیں، عمران خان مراد سعید کے پیچھے چھپنے کے بجائے سامنے آئیں، مراد سعید میں آخر کون سی اہلیت ہے کہ عمران خان نے انہیں ایم این اے بنوا دیا؟
