سکھر (نمائندہ جسارت) سکھر سے اغوا اور گمشدہ 7 افراد کا تا حال پتا نہ چل سکا سکھر ، پنو عاقل اور صالح پٹ کے چار مغوی خیر محمد ڈیھو ، نصراللہ شیخ، الطاف جسکانی اور رحمت اللہ جسکانی ڈاکوﺅں کے پاس یرغمال ہیں، جبکہ سکھر کی مریم کالونی کے رہائشی دلیپ کمار اور سنتوش کمار بھی تا حال لاپتا، ورثا سخت پریشان ہیں۔ سکھر کے گلشن رحمت کے رہائشی گمشدہ نوجوان اسرار چوہان کا بھی پانچ روز سے کوئی پتا نہیں چل سکا ہے۔ سکھر پولیس کی جانب سے کچے میں آپریشن کیا گیا، تاہم مغویوں کی بازیابی ممکن نہیں ہوسکی ہے۔
