سکھر (نمائندہ جسارت) سکھر کے تھانہ پنوعاقل کی حدود نیشنل ہائی وے کے قریب میں پولیس اور ڈاکوؤں کے درمیان مقابلہ، تھانہ پنوعاقل کی حدود بچل جان دھاریجو لنک روڈ نیشنل ہائی وے کے قریب پولیس اور ڈاکوؤں کے درمیان مقابلہ میں متعدد سنگین مقدمات اور وارداتوں میں ملوث خطرناک ڈاکو گل حسن عرف بوٹ عرف دینو عرف رحیم بخش ہلاک ہو گیا، اسلحہ برآمد،اسکے ساتھی فرار ہو گئے، ایس ایس پی سکھر عرفان علی سموں کے مطابق فرار ڈاکوؤں کی تلاش کے لیے علاقے میں سرچ آپریشن کیا جارہا ہے، بھاری نفری موقع پر طلب کرلی گئی ہے۔ ہلاک ڈاکو کے قبضے سے رپیٹر، میگزین اور گولیاں برآمد کی گئی ہیں،ہلاک ڈاکو ڈکیتی، قتل، پولیس مقابلوں، اغواء برائے تاوان سمیت متعدد سنگین جرائم میں سکھر پولیس سمیت دیگر اضلاع کی پولیس کو انتہائی مطلوب تھا ، ڈاکو کا کرمنل ریکارڈ دیگر اضلاع سے بھی معلوم کیا جا رہا ہے۔
