سکھر (نمائندہ جسارت) چوہارا منڈی میں زمین پر قبضہ کرنے کی کوشش پر دو گروہوں میں تصادم ، سات افراد زخمی ، تعلقہ اسپتال روہڑی منتقل ، دونوں گروپس کے لوگوں کی جانب سے لاٹھیوں اور ڈنڈیوں کا آزادانہ استعمال کیا گیا جھگڑے کے نتیجے میں ساتھ افراد جن طلب حسین ، صبغت علی ، محمد علی ، اسحاق ، محمد حسین ، و دیگر زخمی ہوگئے ہیں جنہیں طبی علاج کے لیے تعلقہ اسپتال روہڑی پہنچایا گیا، جہاں ڈاکٹروںنے زخمیوں کو طبی امداد فراہم کی ڈاکٹروںکے مطابق دو زخمیوں کی حالت تشویشناک ہے ، دوسری جانب زخمیوں نے الزام عائد کرتے ہوئے بتایا کہ علاقے کے بااثر شخص دیگر ہمارے پلاٹ پر غیر قانونی قبضہ کرنا چاہتے ہیں انکار پر ملزمان نے مسلح ساتھیوں کے ہمراہ حملہ کر دیا ، واقعہ کی اطلاع پولیس کو دی گئی ہے۔
