لاڑکانہ (نمائندہ جسارت) شہر اور گردونواح میں آوارہ کتوں کی بھرمار، مختلف علاقوں میں سگ گزیدگی کے واقعات میں 8 بچے زخمی ہوگئے، جنہیں ویکسین دی گئی۔ باقرانی تحصیل کے نواحی گاؤں محراب سندیلو میں آوارہ کتے نے گھر میں داخل ہوکر دیہاتی ممتاز مغیری کی 5 سالہ بیٹی خالدہ کو چہرے پر آنکھ کے قریب کاٹ کر زخمی کر دیا، جبکہ بچی کو زخمی حالت میں چانڈکا اسپتال کے شعبہ حادثات میں اے آر وی سینٹر لایا گیا، جہاں بچی کو اینٹی ریبیز ویکسین فراہم کردی گئی۔ دوسری جانب لاڑکانہ شہر سمیت مختلف علاقوں سے تعلق رکھنے والے زخمی بچوں میں خالدہ، شیراز، رومیسا، فرزانہ، عبدالحفیظ، انور اور صاحبہ کو بھی آوارہ کتوں نے کاٹ کر زخمی کردیا، جنہیں ورثا نے زخمی حالت میں چانڈکا اسپتال کے شعبہ حادثات میں اے آر وی سینٹر لایا گیا جہاں انہیں ویکسین فراہم کی گئی۔
