لاڑکانہ (نمائندہ جسارت) ضلع کشمور کندھکوٹ کے کچے کے علاقے میں جرائم پیشہ افراد کیخلاف جاری آپریشن کے دوران اغوا شدہ آصف علی گولو اور محمد مرید بہلکانی کو پولیس مقابلے کے بعد بازیاب کرالیا گیا۔ اس حوالے سے ڈی آئی جی لاڑکانہ عرفان علی بلوچ کا کہنا ہے کہ مقابلے کے دوران دو ڈاکوئوں دلبر گولو اور اکبر سندرانی کو زخمی حالت میں گرفتار کیا گیا جبکہ مقابلے میں حصہ لینے والے پولیس پارٹی کو نقد انعامات و اعزازات کے احکامات حاری کردیے گئے ہیں۔
