بلاول زرداری کی گڑھی خدا بخش میں شاہنواز بھٹو کے مزار پر آمد

لاڑکانہ ( نمائندہ جسارت)پاکستان پیپلزپارٹی کے چیئرمین بلاول زرداری کی گڑھی خدا بخش میں شاہنواز بھٹو کے مزار پر آمد، فاتحہ خوانی، دعا ئے مغفرت۔تفصیلات کے مطابق ہفتہ کے روز چیئرمین پاکستان پیپلزپارٹی بلاول زرداری نے شاہنواز بھٹو کو ان کے 35ویں یوم شہادت پر خراج عقیدت پیش کرتے ہوئے مزار پر فاتحہ خوانی کی اور پھول بھی چڑھائے اور کہا کہ شاہنواز بھٹو نے جمہوریت
کی بالادستی کیلیے اپنی جان قربان کردی۔ شاہنواز بھٹو نے ڈکٹیٹر کے خلاف مزاحمت کی لازوال مثال قائم کی۔ انہوں نے کہا کہ شاہنواز بھٹو نے عالمی فورمز پر پاکستان کی بحالی جمہوریت تحریک کی اہمیت کو واضح کیا۔پاکستان کے نوجوانوں کے لیے شاہنواز بھٹو کی شخصیت ایک آئیڈیل ہے، آج اگر پاکستان میں جمہوری روایات ہیں تو اس کی ایک وجہ شاہنواز بھٹو کی قربانی بھی ہے۔