دادو (نمائندہ جسارت) سینئر صحافی نمائندہ جسارت و صدر دادو پریس کلب صابر بھنڈ کی 50ویں سالگرہ کی تقریب دادو پریس کلب میں منائی گئی، جس میں صحافیوں و سیاسی، سماجی شخصیات نے شرکت کی۔ تقریب میں سینئر صحافی نظام شیخ، غوث جھتیال، قربان خشک، سرور جلال سولنگی، ادل مہیسر، شہزاد چانڈیو، آفتاب بھنڈ، نیاز چانڈیو، لیاقت ملک، آزاد بلوچ، ارباب رستمانی، غلام مصطفیٰ پنہور، اعجاز علی چانڈیو، اسلم لغاری، ایس ایم لغاری، فتح شیخ، جاوید لغاری، ساجد مستوئی، دیدار علی شیخ، اللہ بخش خشک سمیت دیگر نے صابر بھنڈ کو سندھی اجرک، ٹوپی اور پھولوں کہ ہار پہنائے اور مبارک باد پیش کی۔ شرکاءنے کہا کہ پریس کلب دادو کے صدر صابر بھنڈ نے اپنی زندگی کا بڑا حصہ صحافتی خدمات میں گزارا ہے اور ہر وقت صحافت اور صحافیوں کے لیے جدوجہد کی ہے۔ اس موقع پر صدر پریس کلب صابر بھنڈ نے پیپلز پارٹی کے چیئرمین بلاول زرداری سے مخاطب ہو کر کہا کہ پریس کلب دادو کے صحافیوں کے لیے اسپیشل پیکج دیا جائے، جس میں کم از کم دو کروڑ روپے گرانٹ دی جائے اور صحافیوں کی رہائش کے لیے کالونی دی جائے، سندھ بھر کے پریس کلبوں کی طرح دادو پریس کو بھی گرانٹ دی جائے۔
