سکھر، سندھ کی سب سے بڑی سینٹرل جیل کورونا سے پاک ہوگئی

سکھر( نمائندہ جسارت)سندھ کی سب سے بڑی سینٹرل جیل کورونا سے پاک ہوگئی۔ایس پی جیل راجہ ممتاز نے دعویٰ کیا ہے کہ 148 قیدی اور عملے کے کورونا ٹیسٹ نیگیٹو آئے ہیں، 113 قیدیوں کا کورونا ٹیسٹ پازیٹو آیا تھا جن کو آئیسولیٹ کیا گیا تھا۔ آئیسولیشن کے مقررہ وقت کے بعد تمام قیدیوں کا ٹیسٹ کیا گیا جو نیگیٹو آیا ہے۔مجموعی طور پر 1590 قیدی اور عملے کا کورونا ٹیسٹ کیا گیا۔ جن میں 1323 قیدی 267 عملے کے افراد شامل ہیں۔