لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس کا مختلف علاقوں میں سرچ و کومبنگ آپریشن، داخلی و خارجی راستوں پر معمول کے مطابق اسنیپ چیکنگ کا سلسلہ بھی جاری، کئی گاڑیوں سے ممنوع بلو بتیاں اور کالے شیشے اتارے گئے جبکہ اشتہاری و روپوش چار ملزمان کو بھی گرفتار کرکے چھینی ہوئی موٹرسائیکل اور موبائل فون برآمد کرلیا۔ اس سلسلے میں انچارج مددگار بیس ون سب انسپکٹر سید اصغر علی شاہ نے روپوش ملزم ذوالفقار عرف پیارو چوہان کو گرفتار کرکے شہری جبران سرکی سے چھینی ہوئی موٹر سائیکل اور موبائل فون برآمد کرلیا، ڈوکری پولیس نے اشتہاری ملزم گجن عرف گجو عرف گلزار میرانی کو، آریجہ پولیس نے روپوش ملزم قطب اوڈہو کو اور اللہ آباد پولیس نے روپوش ملزم شمن چانڈیو کو گرفتار کرلیا ہے۔
