دادو (نمائدہ جسارت) تحصیل جوہی کے گاؤں اللہ داد شاہانی میں صحافی کے گھر کو لوٹنے کی کوشش، مزاحمت پر ہتھیار اور سامان چھوڑ کر فرار۔ دادو کی تحصیل جوہی کے علاقے کاچھو کے گاؤں اللہ داد شاہانی میں نجی ٹی وی کے رپورٹر اور پریس کلب ٹنڈو رحیم کے جنرل سیکرٹری اسماعیل شاہانی کے گھر کو لوٹنے کی کوشش ناکام ہوگئی، چوروں کی جانب سے گھر سے قیمتی سامان اور مویشی لے جانے پر اچانک گھر والے جاگ اٹھے، چوروں نے گھر والوں کو جاگتے دیکھ کر ہتھیار نکال لیے، مزاحمت پر چور اپنے ریوالور اور موٹر سائیکل چھوڑ کر فرار ہوگئے، اطلاع پر پولیس اسٹیشن ٹنڈو رحیم کی نفری پہنچی اور جائے وقوعہ کا جائزہ لیا، چوروں کی طرف سے چھوڑی گئی موٹر سائیکل اور ریوالور تحویل میں لے لیا۔ صحافی اسماعیل شاہانی نے کہا کہ مسلح افراد نے ہمارے گھر سے سامان چوری کی کوشش کی، جاگنے پر چوروں کو پکڑنے کے کوشش کی تو ہمارے اوپر ہتھیار نکال لیے، مزاحمت کے بعد موٹر سائیکل، ریوالور چھوڑ کر بھاگ گئے۔ ٹنڈو رحیم کے صحافی نے ایس ایس پی دادو سے چوروں کو گرفتار کرنے کا مطالبہ کیا۔
