لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے ضلع بھر میں جنرل ہولڈ اپ اور سخت اسنیپ چیکنگ کے دوران سنگین نوعیت کے مقدمات میں روپوش و مطلوب 5 ملزمان کو گرفتار کرکے اسلحہ برآمد کرلیا ہے۔ حیدری پولیس نے دوران چیکنگ لہرکالونی سے ملزم رسول بخش عرف کراڑو شیخ کو پستول اور گولیوں سمیت، علی گوہر آباد پولیس نے دوران چیکنگ بہارپور روڈ سے ملزم رحمن جتوئی کو پستول اور گولیوں سمیت، نوڈیرو پولیس نے دوران چیکنگ تھانہ نبی شاہ وگن ضلع شکارپور پر قتل کے مقدمے میں اشتہاری ملزم نظام الدین گوپانگ کو، رتوڈیرو پولیس نے روپوش ملزم جاوید گھانگھرو کو اور ایئر پورٹ پولیس نے روپوش ملزم عرفان بٹ کو گرفتار کرلیا۔ پولیس کے مطابق گرفتار ملزمان کیخلاف مقدمات درج کرکے تفتیش شروع کردی گئی ہے۔
