معیشت اور خارجہ پالیسی آپ تباہ کرگئے‘ شہباز گل کا احسن اقبال کوجواب

اسلام آباد (اے پی پی) وزیراعظم کے معاون خصوصی برائے سیاسی ابلاغ ڈاکٹر شہباز گل نے مسلم لیگ (ن) کے رہنما احسن اقبال کے ٹویٹ کے ردعمل میں کہا ہے کہ اکانومی تو آپ تباہ کر کے گئے، فارن پالیسی بھی، انڈیا کا تو نام تک نہیں لے پاتے تھے۔ اتوار کو سماجی رابطوں کی
ویب سائٹ ٹویٹر پر اپنے پیغام میں انہوں نے کہا کہ لیکن آج کل آپ دن میں تین بار چیخیں مارتے ہیں‘ حالت یہ ہے کہ آپکو رات کے ایک بجے بھی سکون نہیں اور ٹویٹ کرنا پڑتا ہے‘ یہ سب واضح کر رہا ہے کہ آپ کتنے خوفزدہ ہیں کہ اپنی کرپشن کا حساب دینا پڑنا ہے۔