کوئٹہ (آن لائن) نیشنل ڈیزاسٹرمینجمنٹ اتھارٹی(این ڈی ایم اے) کی جانب سے بلوچستان و دیگر کو کورونا وائر س سے متعلق حفاظتی 10واںکھیپ بھیج دیا گیا۔ این ڈی ایم اے کے مطابق ملک بھر میں 14 لاکھ 24 ہزار 699 مکمل پی پی ایز سیٹ فراہم کرچکا باقی تمام صوبوں کو بھی دسویں کھیپ کی ترسیل کی جا رہی ہے،بلوچستان کو5ہزار811 اورجی بی کو3 ہزار 385 حفاظتی سوٹ دیے گئے ہیں جبکہ بلوچستان اور گلگت بلتستان کو دسویں کھیپ کا سامان بھیج دیا گیا۔ 15ہزار69گلگت بلتستان کودئیے گئے ،بلوچستان کو مختلف اقسام کے 1 لاکھ 21 ہزار 986 ماسک دیے گئے، این ڈی ایم اے کے مطابق فیس شیلڈ،سرجیکل کیپس،دستانے،پلاسٹک بوٹ،شوزکور،حفاظتی عینکیں بھی دی گئیں۔
