ٹھٹھہ (نمائندہ جسارت) ایس ایس پی ٹھٹھہ ڈاکٹر محمد عمران خان کی ہدایت پر منشیات فروشوں کیخلاف پولیس کی کارروائیاں جاری، کچی شراب اور گٹکے میں استعمال ہونے والا چورا برآمد، دو ملزمان گرفتار۔ ایس ایس پی ٹھٹھہ ڈاکٹر محمد عمران خان کی خصوصی ہدایت پر انچارج پولیس پوسٹ چھتو چند راجا ظفر نے کارروائی کے دوران ایک شخص رشید کو گرفتار کرکے قبضے سے 30 تھیلیاں کچی شراب برآمد کرکے ٹھٹھہ تھانے پر مقدمہ درج کردیا۔ دوسری طرف جنگ شاہی پولیس پوسٹ کے انچارج نے گشت کے دوران ایک سوزوکی پک اپ کی تلاشی لی جس میں گٹکے میں استعمال ہونے والا 200 کلو چورا برآمد کرکے ایک شخص محمد ریاض کو گرفتار کرکے مکلی تھانے پر مقدمہ درج کردیا ہے۔
