سکھر(نمائندہ جسارت)نیو تعلقہ پیر مراد شاہ کالونی کے مکینوں میر حسن رند،رمضان چوہان اورغلام مصطفی گڈانی و دیگر نے علاقے میں پانی کی عدم فراہمی کے خلاف سکھر پریس کلب کے سامنے احتجاج کرتے ہوئے بتایا کہ علاقے میں پانی کی لائن ہونے کے باوجود لوگوں کو پانی کی فراہمی کیلیے تعمیر کردہ ٹنکی بھی غیر فعال ہے پانی کی قلت کے باعث علاقہ مکین دور دراز سے پانی بھرنے سمیت رقم کے عوض پانی خرید رہے ہیں شکایت کے باوجود ایک ہفتہ گزر گیا ہے لیکن علاقے میں پانی فراہم نہیں کیا جارہا۔ مظاہرین نے بالا حکام سے نوٹس لیکر علاقہ مکینوں کو پانی فراہم کرنے کا مطالبہ کیا گیا۔
