ٹھٹھہ ( نمائندہ جسارت ) ایس ایس پی ٹھٹھہ ڈاکٹر عمران خان کی جانب سے ہیڈ کانسٹیبل کی رینک پر پروموشن حاصل کرنے والے 12 پولیس افسران کے اعزاز میں سادہ اور پروقار تقریب کا انعقاد کیا گیا اور پروموشن رینک لگائے گئے۔ تقریب کے دوران ترقی پانے والے 2 لیڈیز اور 10 پولیس افسران کو ایس ایس پی ٹھٹھہ اور ڈی ایس پی ہیڈکوارٹر ٹھٹھہ کی جانب سے ہیڈ کانسٹیبل کے پروموشن رینک لگائے گئے۔ایس ایس پی ٹھٹھہ نے ترقی پانے والے پولیس افسران کو مبارک باد دیتے ہوئے کہا کہ آپ کے فرائض اور ذمے داریوں میں مزید اضافہ ہوگیا ہے، عوام کے ساتھ حسن سلوک اور خوش اخلاقی سے پیش آئیں اور آپ سے امید کی جاتی ہے کہ آپ سب اپنے فرائض کو سچائی اور ایمانداری سے سرانجام دیں گے۔ تقریب کے اختتام کے وقت ایس ایس پی ٹھٹھہ کی جانب سے تمام پروموشن حاصل کرنے والے افسران کے لیے ریفرشمنٹ کا انتظام بھی کیا گیا تھا۔
