سکھر (نمائندہ جسارت)الخدمت فاؤنڈیشن سکھر کے سرپرست امیر جماعت اسلامی سکھر زبیر حفیظ شیخ نے کہا ہے کہ عوامی خدمت کا سفر جاری ہے۔الخدمت فاؤنڈیشن سکھر کی جانب سے شہر میں کورونا اسپرے مہم کو مزید بہتر طور پر چلانے کیلیے خطیر رقم سے نئی مشین خرید لی گئی ہے جس کے ذریعے خدمات کو مزید بہتر اور مؤـثر طور پر سر انجام دیاجا سکے گا۔ انہوں نے کہا کہ عوام کی جانب سے الخدمت پر اعتماد کا شکریہ ادا کرتا ہوں۔ الخدمت رضاکار شہر بھر میں اسپرے مہم مسلسل جاری رکھے ہوئے ہیں۔
