لیگی ر ہنمانے نیب کال اپ نوٹسز کو اسلام آباد ہائیکورٹ میں چیلنج کر دیا

اسلام آباد(اے پی پی) پاکستان مسلم لیگ(ن)کے رہنماءمحسن شاہ نواز رانجھا نے نیب کال اپ نوٹسز کو اسلام آباد ہائیکورٹ میں چیلنج کر دیا۔ دائر درخواست میں چیئرمین نیب، نیب لاہور کے ایڈیشنل ڈائریکٹر، ڈپٹی ڈائریکٹر، اسسٹنٹ ڈائریکٹرکو فریق بناتے ہوئے کہا گیا ہے کہ کورونا وبا کے دوران نیب میں ذاتی حیثیت میں پیشی زندگی کے لیے خطرات کا باعث ہے، ذاتی حیثیت میں بلانے
کے بجائے نیب کو وڈیو لنک کے ذریعے انٹرویو کی ہدایت کی جائے، 5، 12، 16 مارچ اور 8 جون کے کال اپ نوٹسز ہائیکورٹ، عدالت عظمیٰ کے فیصلوں کی خلاف ورزی ہیں، درخواست میں استدعا کی گئی ہے کہ نیب کال اپ نوٹسز کو کالعدم قرار دیا جائے اور کورونا وبا کے دوران نیب کو ذاتی حیثیت میں بلانے سے روکا جائے۔