کراچی( نمائندہ جسارت)امیر جماعت اسلامی پاکستان سینیٹر سراج الحق نے معروف صنعت کار سعید اسماعیل کی صاحبزادی ،زاہد سعید ،انور سعید اورخالد سعید کی بہن کے انتقال پر گھر جاکر مرحومہ کے شوہر حافظ انس سلطان اور دیگر اہل خانہ سے ملاقات کی اور اظہار تعزیت و دعائے مغفرت کی
۔اس موقع پر امیر جماعت اسلامی کراچی حافظ نعیم الرحمن، سیکرٹری عبدالوہاب ،ڈپٹی سیکرٹری عبدالرحمن فدا ، سیکرٹری اطلاعات زاہد عسکری ، بلدیہ عظمیٰ کراچی میں جماعت اسلامی کے پارلیمانی لیڈر جنید مکاتی ، فاروق پونا والا اور دیگر بھی موجود تھے ۔ قبل ازیں سینیٹر سراج الحق نے معروف بزنس مین یحییٰ پولانی کے بھائی زکریا پولانی کے صاحبزادے زین پولانی،ان کی اہلیہ اور 3 بچوں کے طیارہ حادثے میں جاں بحق ہونے پر ان کے گھر جاکر اہل خانہ سے ملاقات کی اور دلی دکھ وافسوس کا اظہار کرتے ہوئے لواحقین کے لیے صبر جمیل کی دعا کی۔
