دادو(نمائدہ جسارت) دادو کے قریب پیارو اسٹیشن تھانے کی حدود گاؤں عیدو بوزدار میںبوزدار برادری کے دو گروپوں میں رشتے کے تنازع پر تصادم ہوگیا تصادم کے باعث ایک شخص جانںحق ہوگیا۔ دادو کے قریب رشتے کے تنازع پر بوزدار برادری کے دو گروپوں میں تصادم ہوگیا دونوں گروپوں نے ایک دوسرے کے اوپر ہتھیاروں کے منہ کھول دیے گولی لگنے سے 21 سالہ نوجوان محمد حسن بوزدار موقع پر ہی جاںبحق ہوگیا ۔پیارو اسٹیشن پولیس نے موقع پر پہنچ کر نوجوان کی لاش کو سول اسپتال دادو منتقل کردیا جہاں ضروری کارروائی کے بعد لاش ورثا کے حوالے کردی گئی۔ پولیس ذرائع کے مطابق دونوں گروپوں میں رشتے داری کا تنازع چل رہا تھا ، پولیس کو دیکھتے ہی دونوں گروپوں کے افراد بھاگ گئے جبکہ پولیس کی جانب سے واقعہ کا مقدمہ تاحال داخل نہیں ہوسکا ہے ۔
