لاڑکانہ(نمائندہ جسارت) قنبر شہدادکوٹ ضلع کی تحصیل نصیرآباد کے قریب بائی پاس روڈ پر تیز رفتار کار اور موٹرسائیکل میں ٹکر کے نتیجے میں لاڑکانہ شہر کے اللہ آباد محلہ کا رہائشی عبدالحق کاندڑو شدید زخمی ہوئے اطلاع پر اہل خانہ نے پہنچ کر زخمی کو علاج کے لیے چانڈکا اسپتال منتقل کردیا جہاں انہیں طبی امدادی دی گئی۔ اس موقع پر زخمی کے ورثہ بھانجے قدیر احمد کانڈرو نے صحافیوں کو بتایا کہ چچا عبدالحق کھاوڑ لاڑکانہ سے اپنے آبائی گاؤں کرم خان کاندڑو آرے تھے کہ گاؤں کے قریب تیز رفتار کارکی ٹکر سے وہ زخمی ہوئے جسے اسپتال منتقل کیا۔انہوں نے بتایا کہ اسپتال میں سی ٹی مشین کی بھی سہولت موجود نہیں، سخت گرمی میں ائرکنڈیشن بھی بند پڑے ہیں جبکہ دیگر طبی سہولیات بھی ناپید ہیں۔انہوں نے کہا کہ بالائی سندھ کے سب سے بڑے اسپتال کا اگر یہی حشر رہا تو آنے والے مریض داخل کرنے کے بعد تڑپ تڑپ کر دم توڑ دیں گے۔انہوں نے مطالبہ کیا کہ اسپتالوں میں بنیادی سہولیات فراہم کرکے آنے والے مریضوں کو بہتر علاج فراہم کیا جائے۔
