کراچی (اسٹاف رپورٹر) سندھ ہائیکورٹ کے چیف جسٹس احمد علی ایم شیخ نے صوبے کے مختلف اضلاع کے 12 ڈسٹرکٹ اینڈ سیشن ججز کے تبادلے کردیے۔ جمعے کو سندھ ہائیکورٹ کے رجسٹرار غلام رسول سموں کی جانب سے جاری کردہ نوٹیفکیشن کے مطابق ڈسٹرکٹ اینڈ سیشن جج منور علی لودھی کا جیکب آباد سے کراچی کے ضلع ساؤتھ جبکہ امجد علی بوھیو کا کراچی سے جیکب آباد تبادلہ کردیا گیا، سید شرف الدین شاہ کا تبادلہ سکھر سے حیدرآباد کردیا گیا، سہیل محمد لغاری کامیر پورخاص سے سکھر، اقبال احمد خواجہ کا شکار پور سے گھوٹکی جبکہ مشتاق احمد لغاری کا گھوٹکی سے خیر پور تبادلہ کردیا گیاہے۔ ڈسٹرکٹ اینڈ سیشن جج مانومل کھگیجہ کا جامشورو سے دادو، جمشید علی اعوان کا دادو سے کندھ کوٹ، سمکن مغل حسین کا سانگھڑسے جامشورو، جاوید احمد کیریوکا مٹیاری سے سانگھڑ، مشتاق احمد کلوڑ کا مٹھی سے شکارپور اور صدر حسین تالپور کا خیرپور سے مٹیاری تبادلہ کردیا گیا ہے۔
