اسلام آباد (اے پی پی) وزیر خارجہ شاہ محمود قریشی نے کہا ہے کہ عالمی وبائی چیلنج نے دنیا کو انتہائی تیزی سے تبدیل کیا ہے، مزید تبدیلیاں وقت کے ساتھ ساتھ سامنے آئیں گی، ہمیں اس تیزی سے بدلتی ہوئی صورتحال میں آگے بڑھنے کیلےے اپنے آپ کو تیار کرنا ہو گا۔ وہ وزارت خارجہ میں سینئر افسران سے خطاب کر رہے تھے۔ انہوں نے کہا کہ دنیا بھر میں، بڑے بڑے اہم اجلاس، کانفرنسز وڈیو لنک کے ذریعے ہورہی ہیں ہمیں اپنے خود کو ڈیجیٹلائزڈ کرنا ہو گا تاکہ ہم اپنا نکتہ نظر مو¿ثر انداز میں دنیا کے سامنے پیش کر سکیں۔ ہمیں اس تبدیل ہوتی دنیا کے تیور سے آگاہی حاصل کرتے ہوئے اپنی حکمت عملی کو وضع کرنا ہو گا تاکہ ہم اپنے خارجہ پالیسی اہداف کو احسن طریقے سے پایہ تکمیل تک پہنچا سکیں ۔ انہوں نے کہا کہ وزارت خارجہ میں پبلک ڈپلومیسی مشاورتی گروپ کا قیام عمل میں لایا جا چکا ہے جس میں تجربہ کار ماہرین کو شامل کیا گیا ہے۔ کورونا وبا کے دوران دنیا بھر میں ہمارے سفارت خانے جس طرح سے پاکستانی برادری کی معاونت کر رہے ہیں اس کی تعریف سوشل میڈیا کے ذریعے مل رہی ہے۔
